Կույսերի ձգտումն առ առավելագույնը նրանց դարձրել է պերֆեկտցիոնիստ. նրանք ամեն ինչում իդեալական արդյունք են ակնկալում:
Նրանց արտաքնապես մեղմ ու հանդարտ վարվեցողության ներսում թաքնված է հախուռն խառնվածք, անհանգիստ բնավորություն: Նրանց մտածողությունը երբևիցե պասիվ վիճակում չի գտնվում: Հատկապես փայլուն է աշխատում վերլուծական մտածողությունը. հավանականությունը չնչին է, որ նրանք կարող են սխալվել իրենց վերլուծություններում:
Կույսերը ծայրաստիճան կազմակերպված են, նրանց գրաֆիկը մանրակրկտորեն համակարգված է և կանոնարկված:
Կույսերի մյուս ամենագնահատելի արժանիքը դիմացինի հանդեպ ունեցած անկեղծությունն է. եթե նա ինչ-որ բան է ասում, ապա երբևիցե չի ստում:
Կույսերը չեն լինում աղմկոտ ու էներգիայով լի. համեստության և հանգստության պատճառով խուսափում են գերհագեցած ու պարտադրող միջոցառումներից:
Նրանք ինքնաբավ են, հզորագույն էներգետիկայով, իսկ ընկերների համար ամենից հուսալի օգնականն ու ապահով հենարանն են: Կույսերի ինքնաբավությունը բխում է հենց իրենց ներքին ստաբիլության հանգամանքից: Կույսերի ճկունությունը, պրակտիկությունը հաղթահարելի են դարձնում անհանգստացնող և բարդագույն թվացող իրավիճակները:
