Նապոլեոնն առանձնահատուկ թխվածք է, թեթև, համեղ ու առանց ավելորդությունների։ Առաջարկում ենք նապոլեոնի հեշտ բաղադրատոմս, որով պատրաստելու դեպքում կծախսեք կես ժամից պակաս ժամանակ։
Անհրաժեշտ բաղադրիչներ․
- շերտավոր խմոր՝ 400գ
- խտացրած կաթ՝ 150գ
- ձու՝ 2 հատ
- կարագ՝ 150գ
- շաքարավազ՝ 50գ
- վանիլի շաքար՝ 10գ
- եգիպտացորենի կրախմալ՝ 40գ
- կաթ՝ 500մլ
Պատրաստման եղանակ․
Շերտավոր խմորը գրտնակել, կտրատել բարակ երկար գծիկների։ Տապակը ծածկել յուղաթղթով, մեջ դնել խմորի կտորները։ Ջեռոցը տաքացնել մինչ 200 ջերմաստիճանի և թխել 20 րոպե։
Հարել ձուն՝ շաքարավազը, կրախմալը ավելացնելով։ Կաթը տաքացնել մինչ 60-70 ջերմաստիճանի, մեջը լցնել ձվային զանգվածը։
Թույլ կրակի վրա հասցնել եռման ատիճանի, եփել՝ մինչ խտանալը։ Ամբողջ եփելու ընթացքում անդադար խառնել։
Հարիչով հարել կարագը, ավելացնել վանիլի շաքարաը։ Երբ կարագը դառնա օդային՝ աստիճանաբար լցնել խտացրած կաթը՝ շարունակելով հարել։
Կաթնային խառնուրդի մեջ լցնել կարագով կրեմը, հարել։
Սննդային թաղանթի վրա մի քիչ կրեմ լցնել, վրան դնել 3 կտոր շերտովր ձողիկ։ Նորից կրեմ քսել և նորից ձողիկ։
Ամուր փաթաթել սննդային տոպրակը, որ օդ չմնա։
Գիշերը թողնել սառնարանում։
Չմոռանաք նախապես մի քանի հատ շերտավոր ձողիկ փշրել, որպեզի մատուցելուց առաջ զարդարեք տորթը։
Բարի ախորժակ։
