Շատ երկրներում ամանորյա սեղանի անբաժանելի մաս են կազմում թխվածքաբլիթները՝ Ամանորի գույներով ու ոճով: Որոշ երկրներում առավել ընդունված են մարդուկ-թխվածքաբլիթները, որոնք եզերված են սպիտակ կրեմով/այսինգով Ձեզ ենք ներկայացնում է ամանորյա թխվածքաբլիթի պատրաստման եղանակը:
Բաղադրիչներ
- կարագ – 1 տուփ
- ալյուր – 2-3 բաժակ
- շաքարավազ – ½ բաժակ
- ձվի դեղնուց – 2 հատ
- փխրեցուցիչ – 1 թ/գ
- աղ կիտրոնի – ¼ թ/գ
- Գլազուրի համար`
- ձու – 1 հատ
- շաքարի փոշի – 150 գր
- հյութ կիտրոնի – 1 թ/գ
Քայլերի հաջորդականություն
- Պատրաստում ենք խմորը, որի համար ալյուրը, փխրեցուցիչն ու կիտրոնի աղը զգուշորեն խառնում ենք: Ստացված խառնուրդին ավելացնում ենք ձվի դեղնուցներն ու կարագի փ
ոքրիկ կտորները: - Այնուհետև ձեռքերով տրորում ենք` փորձելով ստանալ միասեռ զանգված, որից ստանում ենք երկու խմորագունդ:
- Խմորը 1-2 ժամ պահում ենք սառնարանում, ապա հանում ու բացում ենք մոտ 1 սմ հաստությամբ խմորաշերտ:
- Ֆորմաների օգնությամբ ստանում ենք գեղեցիկ ֆիգուրներ` աստղիկներ, եղևնիներ, տնակներ, մարդուկներ, ձյունիկներ: Թխվածքաբլիթները դասավորում ենք յուղաթղթապատ ու բուսայուղապատ ձևամանի մեջ ու 15 րոպե թխում ենք 180 աստիճան տաքացրած ջեռոցում:
- Երբ թխվածքաբլիթները պատրաստ են լինում, թողնում ենք, որ սառչեն, ապա զարդարում ենք այսինգով։
Այսինգի պատրաստման համար անհրաժեշտ է;
- ձու – 1 հատ(սպիտակուց)
- շաքարի փոշի – 150գր
- հյութ կիտրոնի – 1թ/գդ
Քայլերի հաջորդականություն
- Լվանում ենք ձուն օճառով, ապա առանձնցնում ենք դեղնուցն ու սպիտակուցը: Հարում ենք սպիտակուցը հարիչով կամ պատառաքաղով մինչև ստացվի միատարր զանգված:
- Ապա ավելացնում ենք շաքարի փոշին և լավ խառնում:
- Ավելացնում ենք կիտրոնի հյութը, որից մեր այսինգը կստանա գեղեցիկ գույն և փայլ:
Եվ ամեն բան պատրաստ է:
Այժմ եթե Ձեզ անհրաժեշտ է տարբեր գույների ջնարակ ստանալ, այսինգը բաժանում ենք տարբեր տարաների մեջ և ավելացնում սննդային գունանյութը: - Խառնում ենք ու ստանում գեղեցիկ գույնի ջնարակ:
- Այսինգով կարելի է նկարել գծեր, կետեր, ինչպես նաև ամբողջությամբ պատել թխվածքաբլիթը: Եթե անհրաժեշտ է պատրաստել զանգված մեծ տարածքներ պատելու համար, ապա ավելացնում ենք այսինգի մեջ մի քանի կաթիլ ջուր և խառնում: Եթե այսինգը միևնույն է խիտ է, ապա ավելացնում ենք ևս մի քիչ ջուր, մինչև ստացվի անհրաժեշտ խտության զանգված:
- Թխվածքաբլիթը պատում ենք հետևյալ կերպ՝ սկզբում խիտ այսինգով նկարում ենք այն մասի ուրվագծերը, որն ամբողջությամբ պատելու ենք, ապա միջի մասը պատում ենք ավելի ջրանման այսինգով:
Ստացված զանգվածը լցնում ենք խոհարարական պարկերի մեջ, եթե չունեք խոհարարական պարկ, ապա կարելի է օգտագործել հասարակ պոլիէթիլենային պարկեր, ծայրերին անելով կտրվածք ու սկսում ենք նկարել:
Տոնական համեղ ու անչափ գեղեցիկ թխվածքաբլիթներ ամանորյա սեղանների համար: